محترم حضرت حکیم صاحب السلام علیکم! میرے پاس ایک نسخہ ہے جو میں نے ایک ہندوحکیم کی کتاب مطبوعہ 1930ء سے لیا تھا‘ قارئین کی خدمت میں پیش کررہا ہوں۔ ھوالشافی: بوہڑ کی سبز چھال باریک ایک حصہ‘ چینی آدھ حصہ۔ بوہڑ کی باریک سبز چھال کو کاٹ کرفوراً اس کی چھال علیحدہ کرلیں اگر کچھ دیر بعد علیحدہ کریں گے تو وہ بے کار ہوجائے گی۔ چھال کو سایہ میں خشک کرلیں۔ جب بالکل خشک ہوجائے تو کوٹ چھان کر جو پاؤڈر بنے اس میں آدھ حصہ چینی باریک کرکے شامل کردیں۔ نسخہ تیار ہے۔ خوراک: صبح نہار منہ پانچ گرام‘ اور رات کو پانچ گرام مع گائے کے دودھ‘ اگر گائے کا دودھ نہ ملے تو کسی بھی دودھ کے ساتھ استعمال کرسکتے ہیں۔ فوائد: یہ پورے جسم کی اورہالنگ کرتی ہے‘ پرانے خون کو صاف کرتی ہے‘ نیا خون پیدا کرتی ہے‘ نیا مادہ پیدا کرتی ہے۔ یہ میرا آزمودہ ہے۔ (محمدصادق ڈار‘ سرگودھا)